Fó apoiu ba sistema saúde hodi responde ba violénsia hasoru feto no labarik iha Timor-Leste

Ami nia objetivu atu apoiu sistema saúde ida ne'ebé sustentável hodi responde ba violénsia hasoru feto no labarik iha Timor-Leste, liu hosi kolaborasaun parseria no peskiza ne'ebé rigorozu.

Ami nia ekipa dezenvolve, pilotu no halo ona revizaun ba materiál treinamentu no rekursu aprendizajen bazeia ba Organizasaun Mundiál Saúde (OMS) nia kuríkulu in-service kona-ba responde ba violénsia hasoru feto, no mos peskiza formativa iha Timor-Leste ho feto sobrevivente violénsia, parteira no lider komunitária sira.

Materiál aprendizajen, vídeo no relatoriu sira ne'e bele uza husi Governu, Universidade, ONG no ba ema sira ne'ebé mak luta makas atu transforma sistema saúde nian atu sai seguru liu, laran di’ak no fatin ne’ebe mak apoio ba ema sira ne'ebé mak submete ona ba violénsia doméstika, asaltu seksual ka abuzu ba labarik.

Kursu treinamentu pré-service ida ne'e disponivel iha lian Inglés no lian Tetun, no adekuadu ba profisionál saúde oin-oin no nasaun seluk, maibé nia tarjetu liu-liu mak ba enfermeiru, parteira no médiku sira iha Timor-Leste. Hafoin remata kursu ne’e fornesedor saúde sira sei iha kompetensia:

  • Komprende kona-ba violénsia doméstika, asaltu seksual no abuzu ba labarik nu'udar problema saúde públika
  • Identifika sinál sira kona-ba abuzu no hatene bainhira no oinsá atu husu kona-ba violénsia liu husi dalan ida ne'ebé sensitivu
  • Pratika halo kuidadus ne’ebe mak prioritiza feto nia hakarak no nesesidade no bele komunika ho empatia
  • Hasa’e feto no labarik sira nia seguransa no fornese referral no kontinua fó apoiu
  • Pratika kuidadu an rasik no halo kolaborasaun ho kolega servisu sira

Kursu formasaun pré-service

Kursu formasaun pré-service ida ne’e dezena hodi hanorin enfermera, parteira, médiku no saúde sira seluk-relasiona ho grau universidade nian. Kursu ida neʼe hanorin iha modul 9 x oras 2, iha ne'ebé bele hanorin hanesan materia ida iha semestre ida nia laran ka hanorin iha semana ida nia laran hanesan treinamentu intensivu.

  • PowerPoint slides
  • Matadalan ba fasilitadór
  • Matadalan ba estudante
  • Literatura hodi lee

Vídeo

Vídeo sira neʼe iha lian Tetum ho nia subtítulu iha lian Inglés. Video sira ne’e dezenvolve hanesan parte ida husi kursu treinamentu ida ne’e, hodi uza iha atividade grupu nian. Video sira ne’e mós bele uza hanesan rekursu aprendizajen nian, ka atu hamosu diskusaun iha formasaun ka programa sensibilizasaun sira seluk.


Hahú relasaun di'ak

Video role play hodi hatudu oinsá mak fornesedor saúde bele identifika sinal husi violénsia, husu kona-ba problema, responde ho empatia, proteje konfidensialidade, aumenta seguru no fornese referral no kontinua fó apoiu.


Feto sira nia istória kona-ba trauma no reziliénsia

Bazeia ba istória neʼebé realidade, istoria sira ne’e foti husi peskiza ho 28 feto sobrevivente violénsia, video tolu ne’e hodi hasae’e estudante sira nia komprensaun kona-ba efeitu husi trauma, difikuldade atu hetan ajuda, no valor saida mak importante ba feto. Favór nota: haree nain balun dalaruma sente katak video ne’e nia kontiudu triste tebes.


Parteira kontra violénsia

Parteira sira ko'alia kona-ba tansá mak sira nia papél importante bainhira ajuda sobrevivente hosi violénsia, sira nia responsabilidade tuir lei no aspetu importante kona-ba kuidadu.


Haforsa sistema saúde

Video animasaun ida ne’e, dezenvolve husi Organizasaun Saúde Mundiál no halo ba iha lian Tetum, ilustra problema saúde globál kona-ba violénsia hasoru feto, no oinsá no mos tansá mak sistema saúde importante tebes hodi responde problema ida ne'e.


Peskiza

Apoiu husi

Dezenvolvimentu

Grupu traballu entre ajénsia hodi lidera dezenvolvimentu kurríkulu, pilotu no avaliasaun. Ekipa hosi projetu ne'e inklui:

  • Kayli Wild, Sentru Judith Lumley no Institute for Human Security and Social Change, Universidade La Trobe, Darwin
  • Lidia Gomes, Departamentu Parteira, Universidade Nasional Timor Lorosa’e, Dili
  • Angelina Fernandes, Departmentu Parteira, Instituto Superior Cristal, Dili
  • Luisa Marcal, Psychosocial Recovery & Development in East Timor (PRADET), Dili
  • Guilhermina de Araujo, Sentru Judith Lumley no Institute for Human Security and Social Change, Universidade La Trobe, Dili
  • Angela Taft, Sentru Judith Lumley, Universidade La Trobe, Melbourne

Finansiamentu

Dezenvolvimentu kuríkulu no avaliasaun hetan suporta finansiamentu hosi OMS Departamentu Saúde Reprodutiva no Peskiza no Rotary Globál Grant (GG1867745).

Peskiza ne'e lidera husi Kayli Wild iha Australian Research Council Discovery Early Career Research Award (DE17010454) nia okos, no hetan apoiu husi Universidade La Trobe

Agradesimentu

Obrigadu ba sira ne’ebe mak kontribui no organizasaun sira iha Timor-Leste ne'ebé mak fo ona apoia ba ami nia servisu ida ne'e, inklui Institutu Nasionál Saúde (INS), Ministériu Saúde, Marie Stopes, Fundasaun Ázia liu husi programa Nabilan, Uma Pas, ALFeLa, Fundasaun Alola, FOKUPERS, MSSI, SEM/SEII, OMS, UNFPA, UNICEF, dosente sira iha Universidade no lider fakuldade sira, no feto no parteira sira ne'ebé fahe ona sira nia istória.

Ami mos agradese tebes ba Leesa Hooker, husi Universidade La Trobe, ne'ebé ajuda ona halo análize dadus teste pré no pós nian.

Apoiu no referral

aprende kona-ba violénsia no servisu iha área violénsia doméstika no ásaltu seksuál nian bele hetan difikuldade no ida ne'e normál atu hetan materiál aprendizajen balun ne’ebe mak triste tebes. Favór ida sente livre atu deskansa ka para iha kualkér tempu no fó korajen ba ita boot nia estudante ka kolega sira atu halo hanesan ho ita boot. Se ita boot ka ema ruma ne’ebe mak besik ba ita boot iha esperiénsia ka hare ho matan abuzu iha pasadu, materiál ida ne'e bele kria fila fali trauma. Se ita boot sente laran-susar ka hakarak hetan apoiu liu tan halo favór kontaktu: